Linggo ng Pentekostes

Espiritu Santo: Diyos ng pagkakaisa

Linggo ng Pentekostes, Sanggayong B,  ika-27 ng Mayo 2012, Jn. 20, 19 - 23

Sa dakilang araw na ito ng Pentekostes o paglukob ng Espiritu Santo, pinagdiriwang din natin ang bagong kapanganakan natin sa Espiritu.  Ang lumang kapanganakan natin ay sa laman.  Ngunit ngayon, tayo ay inaring mga anak ng Kataastaasang Diyos at nakikisalo sa kanyang Espiritu.

   Sa pamamagitan ng Banal na Espiritu tayo ay nakikipag-isa sa buhay na Panginoon at tayo’y nagiging kalarawan ng kanyang pagka-Diyos.  Kung ano siya, ganoon din tayo.

   Iisa ang Espiritu.  Ito ang bumubuklod sa atin bilang magkakapatid.  Kung paanong siya ang Diyos ng pagkakaisa, gayun din tayo ay nakikisalo sa comunio ng pagmamahal ng Diyos at ng ating kapwa.

   Ikalawa, ang Banal na Espiritu ang naghihilom sa atin at nagbibigay ng kapangyarihan upang gawin ang mga bagay na maka-Diyos.  Tiyak na lahat ng instrumento ng paghihilom ay ating gagawin – pagpapatawad, pang-unawa, pagtuturo mapalapit lamang tayo sa Diyos, malasakit sa kapwa – lahat ng ito’y nagbibigay sa atin ng kapangarihan bilang mga buhay na anak ng Diyos.  Ngayon ay wala nang puwang sa kasalanan, pagkamakasarili, o pagkalulong sa bisyo.

   Mabanaag nawa ang Espiritu Santo sa ating buhay ngayon!  (Fr. Lito Jopson)

Comments

  1. We should pray for the gifts of the Holy Spirit, to enrich our lives and our souls, Annie J.

    ReplyDelete

Post a Comment

Popular posts from this blog

Manalangin lagi, huwag manghinawa

Maging mapagkumbaba

Buhay na pananampalataya