Mga pagsubok ng ating buhay

Unang linggo ng Kuwaresma, sanggayong panahon C
Ebanghelyo: Lk. 4: 1-13

Tatlong pagsubok ang ginamit ng diyablo kay Hesus, ngunit sa bawat pagsubok, mas sumisidhi rin ang paninindigan ng Panginoon. Ang mga pagsubok na ito ay ang mga sumusunod:

Pagiging tinapay ng bato ... nais ng diyablo na hindi ni Hesus pagkatiwalaan ang Ama, bagkus manalig sa kanyang sariling kapangyarihan; kung kayat sinabi ni Hesus, "Hindi lamang sa tinapay nabubuhay ang tao kundi sa Salitang nagmumula sa bibig ng Diyos." Lubos o nawalan na ba tayo ng pagtitiwala sa Diyos?

Pabibigay ng kalwalhatian ng mundo
... ang bundok ay sagisag ng tahanan ng Diyos kung saan ang tao ay nakikipagtagpo sa kanya. Ang walang pakundangang pagnanasa sa ambisyon o kapangyarihan ang pumapatay sa diwa ng tao. Tandaan, Diyos lamang ang ating sasambahin.

Pagtalon sa taluktok ng templo
... pagsasampantaha na ililigtas kaagad ng Diyos na animo'y hinahamon ang Kanyang kapangyarihan ay maling pananaw ng pananampalataya, lalo na kung ilalagay ng tao ang kanyang sarili sa kapahamakan. Kaya, ang tugon ni Kristo, "Huwag mong hahamakin ang Panginoon mong Diyos."

Sa lahat ng ito nagwagi ang Panginoon. Nawa'y mapagwagian din natin ang mga pagsubok sa ating buhay.

Comments

Popular posts from this blog

Manalangin lagi, huwag manghinawa

Maging mapagkumbaba

Buhay na pananampalataya