Handa ba tayo sa bagong daigdig?

Dakilang kapistahan ng pagbibinyag ng Panginoon
Siglo C
Pagbasa: Lk. 3: 15-16, 20-21

15Ang mga tao ay umaasa sa pagdating ng Mesiyas ... may hangarin ang bawat tao sa Mesiyas kahit napagkamalan nila si Juan Bautista. Hinahanap ba natin si Kristo sa kaibuturan ng ating mga puso?

16Si Juan ay sumagot sa kanilang lahat: Babawtismuhan niya kayo ng Banal na Espiritu at ng apoy" ... Ang darating na Mesiyas ay makapangyarihan sa lahat. Sa Kanya magbabago ang mukha ng sangkalupaan. Babawtismuhan niya tayo sa Banal na Espiritu (sa kabanalan) at apoy (sa init ng buhay at pagbabago). Gaano natin kakilala si Kristo sa kanyang kapangyarihan?

21Nangyari, na ang lahat ng mga tao ay nabawtismuhan. Nang si Jesus ay nabawtismuhan at nananalangin, ang langit ay nabuksan ... nag-ugnay muli ang langit at lupa. Inulanan muli ng langit ang lupa ng biyaya dahil sa pagtalima ni Hesus sa kanyang Ama. Ang pagtalimang ito'y maaari rin nating isabuhay.

22Ang Banal na Espiritu ay bumaba sa kaniya na may anyong tulad ng kalapati ... Simbolo ng biyaya na galing sa langit ang kalapati, ibig sabihin tumimo sa puso ng dakilang Diyos ang ginawa ng kanyang Anak. Maaari pa ring magpanumbalik ang biyaya sa sangkalupaan sa pag-ibig na nasa puso ng bawat tao, sanhi ng kanilang pananalig sa Diyos at hindi makasariling pagtulong sa tao.

Pagninilay: Handa ba nating maranasan ang buhay at pagpapalang tulad nito? Bilang mga binyagang tulad ni Kristo, alam ba natin ang dapat nating gawin sa mundong ito upang umapaw muli ang pagbibiyaya ng Diyos? Sa paanong paraan?

Comments

Popular posts from this blog

Manalangin lagi, huwag manghinawa

Maging mapagkumbaba

Buhay na pananampalataya